拿玻里個個Fit打殘帕爾馬

猪拉多纳

15/10/2011
文： 鄭少偉

經過兩個星期嘅國際賽，唔少波友同亨利一樣，等睇自己嘅愛隊比賽等到頸都長埋，等咗咁耐意甲終於重開戰火，講到今季最炙手可熱嘅都非拿玻里莫屬，今晚主場對帕爾馬，一於熱捧1.42倍主W！（開賽時間：周日凌晨2:45）


帕爾馬作客唔掂


早前睇過篇拿玻里會長嘅訪問，有個記者問佢今年球隊開季成績幾好喎，一開始就贏晒米蘭雙雄，今年冠軍應該好大餐士喇，佢就謙虛話最緊要隊波踢好下場波，仲話拎到前五已經心足！咁講擺明係想幫球隊減壓，講真邊個班主搞波唔想拎錦標？亨利自己都係球員所以好理解，如果日日望住贏冠軍，隨時搞到心理唔平衡，最實際都係打好下一場比賽。




睇番拿玻里開季到依家成績咁好，前線嗰幾件個個弗爆，卡雲尼、拿維斯同咸錫呢個「鐵三角」火力十足，仲有中場悍將加根奴嘅掃蕩工作亦係冇得頂，攻守都咁Fit，開季個氣勢又咁勁。帕爾馬雖然有個基奧雲高踢國家隊上晒位，不過球隊今季6個入波佢佔5個，其他人真係幫唔到乜手，而且佢哋今季2場作客都慘敗，拿玻里應該可以「依絲溫」喇，力捧主W之餘「讓主」都值得考慮！