墨爾本勝利受讓「德」米

猪拉多纳

14/10/2011
文： Kit

以往幾年，澳職開季都利入球細，上星期開咧除咗頭場噴射機對雄心外，其他4場都整個入球細，重頭戲勝利對悉尼更係「零蛋」完場！唔知艾馬頓係咪啱啱由英國返嚟仲未適應，但基維爾就踢得唔錯，幾腳埋門都有威脅，小妹預計佢同隊友融合後會更出色。今日下晝會先直播由墨爾本勝利作客阿德萊德聯嘅獨腳戲，我就力撐受讓平半嘅客軍喇！（有線64及204周五下午5:00直播）


阿德萊德聯首戰唔掂


墨爾本勝利上星期咬唔入悉尼，真係有啲可惜，一班中前場默契唔錯，入唔到波只可以話對手門將列迪守得好，若今仗keep得番上星期表現，今仗對手阿德萊德聯主場都肯定頂唔住！




無論基維爾、前線桑蘇拿辛奴，都可以話係依家澳職最高質素嘅中前場，左閘法賓奴同喺鳳凰來投嘅馬高洛查士，剛戰更係光芒四射。雖然柯蘇普受傷，但靴南迪斯踢完國際賽歸隊，今日隨時反客為主。




阿德萊德聯上星期作客珀斯光輝，全場受制於對手，射門次數更係遠遠落後，如果唔係門將加利高域有超水準演出，肯定唔只輸一球咁少！佢哋嘅焦點收購維度錫今日會登場，不過唔知呢位前紐倫堡進攻中場，會唔會好似艾馬頓咁水土不服呢？相比起其他澳職球隊，阿德萊德聯今季氣勢明顯較弱，就係因為上季對賽成績而要讓波，呢個上盤小妹覺得凍過雪糕囉！


KIT推介：墨爾本勝利（下盤）


有線球彩台主持KIT




電郵：soccer64@cabletv.com.hk　PHONE波熱線：1831 678

「球彩俱樂部」開放時間:周五晚10:30至11:45