美國洪都拉斯演入球騷

猪拉多纳

08/10/2011
文： 吉拿甸奴

美國聽朝喺熱身賽主場對洪都拉斯，係時候展開「奇式進攻革命」，因為奇連士文上陣後美國連開3場入球細，完全踢唔出佢口中嘅進攻足球風格，唔想車大炮，梗係要落柯打同洪都拉斯合演入球騷。（開賽時間：周日早上6:00）


艾迪杜里轉會腳風順


奇帥過往執教德國同拜仁，都係用喪攻足球聞名，點知做咗美國教頭後，踢3場只得1和2負，仲衰到得1個入球，令人懷疑美國足總係咪信錯人。不過咁，除咗射手當路雲因傷退隊，前鋒艾迪杜里、中場丹普西、米高巴特利、後衞保卡尼加同門將侯活全部有歸隊，擺明搏殺格。




最緊要係艾迪杜里轉會阿爾克馬爾後，已攻入7球弗到震，何況美國過往主場對洪都拉斯錄得8勝2和2負，應該唔憂冇波入。至於連續2場冇波入嘅洪都拉斯，之前嘅對手哥倫比亞同巴拉圭，風格都係防守性，食白果唔怪得佢哋，呢場佢哋有中場柏拉西奧斯同後衞美羅費古羅亞，有條件同美國鬥入波。