岡薩多留力聯賽Hea踢獻細

猪拉多纳

08/10/2011
文： 蘇豪

天皇盃第二圈賽事展開，多場比賽強弱懸殊，但莊家只揀兩場日乙對決開盤，札幌岡薩多主場對水戶蜀葵，岡薩多全力爭升班，天皇都冇面畀，今場隨時Hea踢，考慮到蜀葵近期防守力提升，捧入球細最好！




（周六中午12時開賽）


水戶蜀葵防線頂得住


札幌岡薩多最近於聯賽氣勢如虹，已經殺上第二位，今次對住下游分子水戶蜀葵，兩軍無論實力及近況都有距離，岡薩多睇落贏面甚高。不過，岡薩多要專注爭升班，幕後人明示今場會畀機會副選球員比賽，隨時Hea踢算數，即使主場出擊亦難以予人信心。




水戶蜀葵目前位列日乙十八位，無法力爭上游，又因日乙不設降班，所以不愁降班威脅，於聯賽可大踢風流波，絕對有條件分心踢盃賽。蜀葵球員現時冇晒壓力，近期輕裝上陣演出大有進步，對上兩場聯賽保持不敗，而且保持不失，防線發揮理想，今次對住岡薩多頂得住。




睇番今場盤口岡薩多只讓半一，以球隊近期氣勢起碼要讓一球，主勝賠率熱唔透隱藏危機，絕對要小心！蜀葵作客實會專心做好防守，預期今場冇乜交收，細盤值得留意。