查爾頓出副選益晒賓福特

猪拉多纳

05/10/2011
文： 亨格比利

今晚繼續有英格蘭聯賽錦標玩，英甲「一哥」查爾頓喺第2圈加入戰團，主場恭候賓福特。無可否認，查爾頓新季戰績冇得彈，但領隊基斯包維向來鍾意出副選兵應酬盃賽，作客唔曳嘅賓福特隨時有機可乘，捧1.93倍「讓客」。（開賽時間：周四凌晨2:45）




查爾頓新季英甲8勝3和未輸過，領隊基斯包維現階段目標明確，就係要帶隊重返英冠，所以對上兩圈英聯盃都幾乎以全副選出擊，卒之就喺次圈輸畀普雷斯頓出局。


賓福特英甲作客4連勝


英錦嘅重要性比英聯盃更低，預計基斯包維會照辦煮碗，繼續玩輪換，如果係咁就益咗賓福特嘞！畢竟佢哋今季改由前曼城名將洛士拿領軍後脫胎換骨，最重要係呢班波作客好過主場，近4場英甲作客更係贏晒，今晚仲要有西班牙中堅利拿刑滿復出添，要保不敗唔難吖！


英錦賽制：


以一場過分勝負，若法定時間內打成平手，隨即互射12碼決勝。


南球盃賽制：


採主客兩回合淘汰制，今輪為16強首回合，若總比數相同，作客入球較多一隊晉級，再和則於次回合後，隨即互射12碼決勝。