基維辛迪質優贏比你睇

猪拉多纳

03/10/2011
文： ComboKing

阿King今日心水係葡超獨腳戲，由基維辛迪主場對比拉馬，咪以為基維辛迪係升班球隊就一定冇料到，查實佢哋早有豐富嘅葡超經驗，今季升番上頂級聯賽亦好快適應，聯賽只輸過畀上季歐霸盃一對決賽球隊波圖及布拉加，推算實力唔會差得過比拉馬，主W有2倍必捧。（周二凌晨3時15分開賽）




基維辛迪今季表現好，全靠教練保羅艾維斯，佢本身係葡萄牙U21領隊，上年先至辭去足總工作重投母會基維辛迪。查實早前曾經傳過佢會轉任大國腳領隊，奈何人氣不足冇人識佢，爭取唔到足總信任。不過，保羅艾維斯冇怨天尤人，決心返母會從頭做起，基維辛迪今季成績好壞，直接影響保羅艾維斯嘅前途，情況與當年保亞斯執教科英布拉大學一樣，今場遇弱隊比拉馬，基維辛迪一定拚盡爭三分，主W穩。


杜塞爾多夫反轉布倫瑞克


德乙方面，布倫瑞克對杜塞爾多夫，杜軍近排着晒火，近三仗全部贏波，受讓平半下盤咪走雞。最後一關揀挪超阿里辛特對史達，兩軍之前喺挪威盃四強碰頭，當時阿里辛特以一比○贏波，今次再遇，史達肯定矢志報仇狂攻，大盤好路。