祖雲達斯 AC 駁火開大騷

猪拉多纳

02/10/2011
文： 郭球奇

今晚意甲爆發超激戲碼，祖雲達斯會主場火併AC米蘭。祖記今季大改革後表現對辦，但AC近況亦有回勇之勢；考慮雙方今場都有射手復出，加上近年交手都旺入波，與其估邊隊贏，球奇覺得入球大仲抵博！（now633台及中央5台周一凌晨2:45直播）


祖雲達斯 Vs AC米蘭


已經沉咗幾年嘅祖記，今季決心重返爭標行列，請得前球會名將干地執教，並簽入多位球星，改打424陣式後表現對辦，暫時獲2勝2和，而且場場有波入，今晚對住衞冕嘅「紅黑兵團」，肯定施展渾身解數。


派路倒戈誓證身價


當中最想證明自己嘅一定係派路，事關呢位効力AC長達10年嘅球星，今季被「紅黑兵團」放棄轉投祖記，點知煥發第二春，相信今場一定會喺AC教頭阿里基面前踢番場好波，而且射手胡仙歷停賽復出，同卡錫、馬特尼、柏比拍住上，火力絕對唔講得笑。




AC近況回勇，周中歐聯更有前鋒伊巴謙莫域同右閘安東連尼復出，當中「神箭」立刻有士哥，賽前仲話好期待今晚倒戈，希望有入波咁話，中場奇雲保定又話已經克服拉傷肌肉問題復出，入波能力即時大增。




睇番往績，AC近年作客祖記勁旺入波，對上5次有4次射入對手2球或以上，睇埋兩隊人腳同戰意，球奇睇好今晚做「大」騷。


祖記主場對賽旺開大


日期 戰果

11/03/06 祖雲達斯 0:1 AC米蘭

10/01/10 祖雲達斯 0:3 AC米蘭

08/12/14 祖雲達斯 4:2 AC米蘭

08/07/29 祖雲達斯 2:2 AC米蘭

08/04/12 祖雲達斯 3:2 AC米蘭