維拉實際主Ｗ加細

猪拉多纳

01/10/2011
文： 張志德

今季英超仲有四支不敗之師，阿士東維拉係其中之一，的確有些少令人跌眼鏡，但其實維拉呢班波踢法好實際，問題只係入波數字較少，導致頻頻和波。佢哋今晚主場對弱隊韋根，應會把握機會搶三分，主Ｗ1.52倍熱爆燈，明確獲莊家睇好，若嫌賠率低，可兼顧入球細。（有線302及202台周六晚10時直播）




維拉班底唔錯，艾邦拉荷、尼索比亞、柏杜夫都係有質素嘅球員，佢哋上仗作客昆士柏流浪，理應可以贏波，但偏偏李察鄧尼補時擺烏龍累事，由三分變一分，的確唔好彩。




從好一方面睇，維拉失分失得咁唔抵，肯定可以刺激球員今仗爭勝戰意。今場主Ｗ明顯偏熱，似乎已暗示維拉將會大爆發，搵韋根祭旗。


韋根作客欠反抗力


韋根上仗被熱刺壓住攻，輸一比二算係好彩輸得少，佢哋根本唔配踢英超，尤其係作客往往任人魚肉，今次到訪維拉，恐怕都係冇反抗能力。阿士東維拉勝算相當高，問題係主隊攻力麻麻，今仗小勝居多，入球細亦值得考慮。


張志德


本港至型足球明星，519入波功臣，現為有線電視台柱級資深講波佬，人稱鬼Sir。鬼Sir睇波有乜獨到見解，毫無保留話晒你知。