國米拿玻里疲兵獻細

猪拉多纳

01/10/2011
文： 巨高

鍾意返內地消夜耍樂嘅朋友，今晚有好節目嘞！內地將會直播意甲賽事，由國際米蘭主場鬥拿玻里。兩支球隊雖然喺周中歐聯贏波，但雙方都要付出代價。國際米蘭有當弗前鋒柏仙尼弄傷足踝，而拿玻里主力射手卡雲尼同樣因傷上陣成疑。傷兵問題對攻力構成影響，料今場入球數字偏低，巨高推介細盤。（廣東體育周日凌晨２時45分直播）


雙方攻擊主力缺陣


國際米蘭除柏仙尼未必可落場之外，兩位具備遠射腳嘅中場史奈達及史坦高域都唔出得。國際米蘭進攻本錢不足，教練雲尼亞里可能會以穩陣為先，唔會輕易谷前向拿玻里施壓。而拿玻里亦一樣，缺少卡雲尼之後可能會踢得較為保守，況且作客強隊國際米蘭也能和波取分的話，相信拿玻里都會感滿意。另外，賽前拿玻里教練馬沙利表示極度憂慮球員體力不足，呢點對於球隊入球能力都有影響。