沙蘭迪兵工廠做大生意

猪拉多纳

29/09/2011
文： 笛子波童

南球盃明早續演十六強首回合，兩支阿根廷兵分途出戰，沙蘭迪兵工廠遇上實力較佳嘅巴拉圭奧林比亞會，作客宜捧入球大。至於葛度爾古斯主場迎戰秘魯體育大學則勝算較高，但主W賠率偏熱，改捧細盤。




先講奧林比亞會主場鬥沙蘭迪兵工廠，奧林比亞會係巴拉圭史上最強球會，保持最多聯賽冠軍卅八次紀錄，佢哋上圈兩勝自由盃常客、來自厄瓜多爾嘅艾美歷克，實力有番咁上下。沙蘭迪兵工廠近三場不勝狀態一般，不過佢哋勝在踢法夠進取，對上兩場作客都同對手踢成二比二，今場捧大盤啱數。




（周五早上6時15分開賽）


秘魯體育大學追細


另一場葛度爾古斯主場鬥秘魯體育大學，葛度爾古斯今季主場未輸過，不過除大勝男生隊六比一外，其餘四戰從未入多過一球，秘魯體育大學作客表現打折扣，近十場僅贏一場，既然知道技不如人，肯定大打守勢波，佢哋對上四場作客只有一場總入球超過兩球，可續追細盤。




（周五早上8時30分開賽）