基士文至叻射瓜巴塞

猪拉多纳

28/09/2011


今場「雙巴」大戰，對香港球迷而言，「最矚目球員」並非美斯，而係曾効力本港球會南華嘅基士文，呢位塞爾維亞前鋒堪稱「巴塞殺手」，曾協助車路士喺歐聯淘汰巴塞，今仗再遇老對手，希望為巴迪製造驚喜。




四個幾月前，基士文仲喺香港搵食，但依家已經征戰歐洲最高榮譽賽事，佢以往喺歐聯留下唔少腳毛，其中04/05球季歐聯十六強次回合，基士文正選上陣，協助車路士以四比二擊敗巴塞，淘汰對手出局。05/06球季西甲聯賽首循環，基士文更為馬體會射入反勝一球，以二比一擊敗巴塞，該季馬體會兩循環都贏巴塞。


巴塞球衣吸汗勁過龍


另一方面，巴塞新球衣設計出現問題，球員指波衫太吸汗，令重量增加，踢半場時間件衫已濕透，球衣重量增加2.5倍，影響球員發揮，巴塞已叫贊助商Nike解決問題。