桑馬達倒戈「冇朋友」

猪拉多纳

28/09/2011


車路士中場桑馬達重返成名地華倫西亞，一舉一動都肯定成為球迷焦點，華倫中場柏保路靴南迪斯賽前講明落到球場唔會念舊情，一定盡全力協助球隊擊敗車仔。


前隊友賽後送祝福


桑馬達於上月轉會窗關閉前由華倫過檔車仔，估唔到事隔僅一個月已經有機會倒戈，唔少華倫球員以前都同桑馬達好好朋友，柏保路靴南迪斯就係其中之一：「我哋全隊都好期待與桑馬達比賽，今場對佢嚟講一定好特別，因為呢度以前係佢屋企，不過球場上唔會有朋友，我哋一定會盡全力打敗佢，之後我才會送上祝福。」




車仔領隊保亞斯就唔擔心桑馬達表現會受影響：「佢係一名資質極佳嘅天才球員，以前代表華倫踢歐聯時已經證明咗呢一點，我相信佢喺車路士嘅表現只會愈來愈好。」