佐加頓斯着火「大」有睇頭

猪拉多纳

26/09/2011
文： 走肖

冇直播睇，買波通常都係希望賽果網「嘟嘟嘟」起勢響，佐加頓斯今晚喺瑞超主場對哥登堡，就有機會開入球騷響不停，呢場佐加頓斯有馬迪亞斯莊臣提早傷愈復出，伊保拿尼基又坐完波監，簡直係前鋒大晒冷，咁嘅情況當然係玩1.95倍入球大穩陣。（開賽時間：周二凌晨1:00）


哥登堡換帥軍心不穩


聯賽3連勝嘅佐加頓斯，近排前線撻着晒，連勝期間勁入7球，包括贏特利堡4:3開「主其他」，曾經係瑞典國家隊成員嘅38歲前鋒馬迪亞斯莊臣，原本話仲要抖多陣，最新消息都話可以趕及喺今場復出，加埋停賽前兩場入4球嘅伊保拿尼基坐完波監，唔通佐加頓斯捨得畀個入波走勢停咩？




哥登堡方面，佢哋近5場得1勝4和，跌Watt主要原因係軍心不穩，不過受到傳媒壓力，終於屈服承認季後會換教練，仲提早同帶領AIK蘇納贏09年聯賽冠軍嘅米基史泰爾傾掂數，咁大件事，難免影響球員場上集中力，唔似可以保持清白，好可能同佐加頓斯鬥攻開入球騷。