富豪安治搵塔利克出氣

猪拉多纳

26/09/2011


自從伊度奧、施哥夫等球星加盟安治後，大家都好關心呢支俄超富豪球會嘅近況，今日波少少，一於帶大家去到俄羅斯，睇吓安治得到眾球星加盟後，成績有冇突飛猛進先！




安治近況都唔錯，近三仗主場全勝，但作客成績就麻麻喇，四場未贏過，上周中俄羅斯盃作客同莫斯科戴拿模打和○比○，加時仲輸埋出局添，幸好佢哋今晚主場出戰實力平平嘅塔利克，以佢哋人腳同主場氣勢，應該可取得連捷。


打緊艾沙維主意


講番呢支人氣球隊，有消息指球會有意邀請前車路士領隊格蘭執教，另外亦打緊阿仙奴球星艾沙維主意，希望佢下季可加盟，不過遠水不能救近火，安治今場要贏波就要靠自己喇！