羅馬四不像 讓波得啖笑

猪拉多纳

25/09/2011
文： Mic少

英文諺語：「One person's meat is another one's poison」，指每個人都唔同，不求甚解有樣學樣，只會弄巧反拙。羅馬嘅美國新老闆賓尼迪圖似乎唔識呢句名言，眼見巴塞雄霸球壇，就請西班牙少帥安歷基執教，大搞「巴塞化」，結果變成四不像，歐霸盃出局、聯賽三戰未開齋，今晚作客帕爾馬，仲要讓平半，未免開玩笑，Mic少力捧下盤。（now 633周一凌晨2時45分直播）


搵錯巴塞嚟跟


安歷基同哥迪奧拿喺巴塞做過隊友，哥帥由巴塞B隊升職成為一隊教練後，就由安歷基接手佢個位，賓尼迪圖見哥迪奧拿咁成功，就想複製呢套「方程式」，搵安歷基領軍，但又諗吓兩地國情唔同，首先西甲主攻，意甲主守，其次巴塞根基雄厚，哥迪奧拿教番母會，自然得心應手，反觀羅馬中落，安歷基離鄉別井工作，難度比哥帥高千百倍。

賓尼迪圖錯配鴛鴦，將羅馬推向另一個深淵，而安歷基膽粗粗轉錯工，前途堪虞，日前已經有國米怒炒加斯柏連尼，睇來安歷基將會成為下一位意甲下崗主帥。