薩拉戈薩大樹好遮蔭

猪拉多纳

25/09/2011
文： SAMVO肥叔

西甲今季除巴塞隆拿鬥皇家馬德里外，仲有另一焦點，就係馬拉加成為富豪球會，買入唔少球星，即時成為西甲名牌，對球迷嚟講當然係好事啦，不過站在菠菜者立場，季初一定要小心呢班波，佢哋現時未成氣候，但評級過高，絕對要防備。

馬拉加今輪作客薩拉戈薩，現時讓到半球，個盤明顯讓多咗，以波論波，馬拉加實力確係較高，但佢哋作客表現唔算特別好，正路呢場開平手盤，頂多都係讓平半，依家讓到咁辣，真係好牙煙。薩拉戈薩主場戰鬥力唔弱，季初大敗畀皇馬唔可以作準，呢場有大樹遮蔭，分分鐘可以偷雞，一於博下盤。

（now 632及660周一凌晨4時直播）


追捧利雲特賀芬咸


睇多場西甲，利雲特主場對愛斯賓奴，要主隊！利雲特季初表現對辦，之前贏過皇馬，真係唔講得笑，呢類球隊實力唔算強，長遠成績未必會好，但依家踢起信心，短期內仍然值得跟進，今晚對愛斯賓奴讓半球，盤口硬淨，可以秤先。另外，德甲球隊賀芬咸開季當弗，現時勢頭好，今次作客科隆有晒墊底飛，就算讓波亦可留意。


肥叔心水


祖雲達斯上盤
賀芬咸上盤

利雲特上盤

昆士柏流浪上盤、大

雲達不來梅上盤

薩拉戈薩下盤