祖記豪客碌爆卡

猪拉多纳

25/09/2011
文： ComboKing

隨住米蘭雙雄開局不佳，祖雲達斯爭標機會自然提升，自從球隊經過暑期大革新之後，的確有好表現交出。睇落「斑馬兵團」已經重拾昔日霸氣，今季肯定長追長有。今晚祖雲達斯作客卡坦尼亞，相信祖雲達斯可以輕鬆取勝，客W有1.9倍捧得過。（周日晚9時開賽）


球員落場夠搏


因為祖雲達斯現時實在有太多好球員，球員之間形成一種良性競爭，有份出場誓必搏老命以保住出場機會。教練干迪已多次表明，祖雲達斯係冇正選球員，想繼續比賽就要交貨。你可以話干迪要求嚴苛，但既然係傳統班霸，球員當然要受得起壓力。再講，今季老闆投資額龐大，干迪都要向上頭交代，冇成績交出，對是但一方都唔好受。卡坦尼亞只係一支中下游球隊，計人腳質素差祖雲達斯一大截，值得向客隊投以信心一票。

另外拉素主場對巴勒莫，則對主W較有信心。今季拉素強在前鋒高路斯，估唔到呢個德國老將狀態冇低落，成為拉素主要取分來源。巴勒莫作客一向較差，輸波唔奇。最後錫耶納主場對萊切就揀個「細」，雙方攻力唔強，料今場總入球都係一球起兩球止。