曼城攻擊點多數爆愛華頓

猪拉多纳

24/09/2011
文： 江忠德

文仙尼喺曼城（下圖右）咁耐，之前一直畀班球星玩到佢陀陀轉，經一事長一智，依家終於知道點樣耍手段，同球員玩心理戰。佢哋搞好關係，班球星就肯出真功夫，今日喺英超主場砌愛華頓唔敢放軟手腳！


昆士柏 維拉「大」有可為


曼城嘅超級後備喺聯賽盃鹹魚翻生，夏格維斯同巴洛迪利入波，即係幫文仙尼向所有球員講：邊個唔弗咪使旨意有得踢！甚至揀邊個做隊長都係睇狀態，仲話要增援加強中場，發揮進攻足球。佢搞咁多嘢都係想拍住死對頭曼聯場場盡數，「拖肥糖」後衞今勻有得震冇得瞓！




至於聽晚昆士柏流浪主場對阿士東維拉相信會好似癲鳳鬥狂龍，主隊有條大水喉射住增兵，上場炒狼隊表現脫胎換骨，佢哋升上英超仲未喺主場威畀球迷睇，呢鋪乘勝追擊，一於有前冇後踢死罷就。




不敗之師維拉喺麥利殊調教之下，新舊球員之間嘅磨合漸入佳境，至叻踢快速反擊，對手殺得性起，維拉伺機而動，今季英超入波數字高企，呢場「大」有可為！