布倫瑞克咪當佢阿福

猪拉多纳

23/09/2011
文： ComboKing

季初不時會有新升班球隊憑一股傻勁製造驚喜，德乙布倫瑞克就係當中表表者，踢咗八場聯賽仍位居前列，而且對手不乏強隊，成績絕對貨真價實，今仗作客弱勢嘅FSV法蘭克福，布倫瑞克讓平半，阿King捧上盤。




（周六凌晨零時開賽）




德乙三支新升班球隊，特雷斯登及羅斯托克分別只取得七分同五分，布倫瑞克已有十七分在手，可見佢哋高一班。布倫瑞克優勝之處在於升班後人腳變動少，以上季德丙冠軍人腳應戰，保持凝聚力及默契，更成功擊敗德甲降班落嚟嘅聖保利。相比之下，特、羅二軍搵咗唔少具名氣球員加盟，反而弄巧反拙，所以話有時以不變應萬變效果更佳。


聖保利添食冇難度


FSV法蘭克福本身屬於護級分子，佢哋八場聯賽只係贏一場咁大把，而且主場未贏過，地利因素對佢哋冇幫助，捧客軍更明智。另外，聖保利主場對奧厄，聖保利矢志重返德甲，聯賽主場四戰全勝，攞三分冇難度。另一場恩高斯達特作客全敗，今仗到訪柏達邦，捧主勝。