紅軍隨時食「白」果

猪拉多纳

21/09/2011
文： 亨格比利

利物浦啱啱喺英超輸咗鑊勁，今晚英聯盃第3圈造訪白禮頓，照計要做番齣好戲振軍心，不過領隊杜格利殊講明會畀主力休息，靠冇正式比賽嘅謝拉特擔大旗似乎唔多信得過，寧撐白禮頓要2.15倍「讓主」。（now639台周四凌晨2:45直播）


白禮頓近況對辦


紅軍今場有中堅史卡迪爾同中場查理阿當要停賽，丹尼爾艾格亦都打咗柴，杜格利殊把心一橫決定搵馬田基利、積克羅賓遜同史比寧等後生仔擔正，經驗同卡士已經唔夠，何況傷愈復出嘅謝拉特只係操咗兩星期，睇落唔係高白禮頓好多咋喎！




由車路士名將普耶領軍嘅白禮頓，上周末輸畀李斯特城先至係新季英冠嘅首場敗仗，表現相當硬淨。普耶賽前放風話唔會死守要同紅軍搶中場喎，戰意咁強贏埋利物浦都唔出奇。