祖記翻生今晚再博拳

猪拉多纳

21/09/2011


祖雲達斯今季似乎有番生氣，聯賽取得兩連捷，暫時睇祖記嘅收購行動做得好成功，新加盟球員包括胡仙歷及派路交到貨。今晚祖雲達斯主場對博洛尼亞，大可繼續追捧當弗嘅祖記「讓球主勝」，相信開出機會極高。（周四凌晨2時45分開賽）




博洛尼亞聯賽兩敗冇入球，留意到前鋒迪華奧踢唔出水準，老退情況甚為嚴重。迪亞文迪從韋斯咸回歸意甲後冇段好睇，幫唔到球隊幾多。相反祖記班新兵有料到，睇嚟今季有機會爭聯賽冠軍，今晚遇弱隊當然唔會錯過表演機會，大勝一場好正路。




拿玻里客W有「基」




另外推介基爾禾對拿玻里，最新消息基爾禾最強前鋒柏利斯亞受傷未必出得，大大影響球隊爭勝能力。拿玻里近期狀態弗到爆，剛賽以三比一砌低AC米蘭，前鋒卡雲尼更連入三粒，拿玻里取勝本錢充足，客W有兩倍抵玩。