阿仙奴小虎隊晒冷

猪拉多纳

20/09/2011
文： 麥馬拿仁

今晚英格蘭聯賽盃第三圈賽事，要𥄫實阿仙奴同布力般，兩軍齊於主場出擊鬥低級別弱旅隨時大勝！兵工廠聯賽衰到貼地，盃賽自然肉緊，查馬克、阿歷士張伯倫夠料搞掂乙組仔梳士貝利；布力般受壓領隊堅恩剛贏漂亮一仗，必乘勝追擊鞏固帥位，點止贏甲組奧連特兩粒？




阿仙奴連輸兩個烏龍，於聯賽反輸三比四予布力般流浪，英超五戰一勝一和三負，領隊雲格正承受極大壓力。兵工廠一向搵小將應付聯賽盃，今場主場對梳士貝利唔會例外，小虎們唔似班正選一樣輸到慌，信心方面可能更勝一籌，為振聲威必炒得就炒。預料查馬克同阿歷士張伯倫會出任正選搏殺，而後防就以佐羅、基蘭基比斯等擔大旗，梳士貝利上兩圈曾淘汰打比郡同史雲斯，但睇怕佢哋本屆巨人殺手之路都要到此為止，分分鐘就輸鋪杰，捧「讓球主勝」。




（周三凌晨2時45分開賽）


布力般追擊奧連特


布力般反勝阿仙奴，令飽受壓力嘅領隊堅恩暫時鬆一口氣，但個位始終未穩陣，難得打順條氣自然唔會畀佢停，主場對甲組包尾大幡奧連特殺無赦，取讓球主勝。另一戰英冠內訌，水晶宮主場對米杜士堡，早幾日米堡先作客贏過水軍，但今次盃賽米堡或收起部分主力，水軍主場威力勁唔會兩連敗，受讓捧「讓球主勝」。（同於周三凌晨3時開賽）