葉士域治啃唔落高地

猪拉多纳

19/09/2011
文： 麥馬拿仁

有信心未必會贏，但冇信心一定會輸，此話雖老套但係事實，葉士域治輸到慌，今晚主場難贏高雲地利。葉軍人腳唔曳，但早前被修咸頓、彼德堡大炒後散晒，愈踢愈曳冇厘神氣，「高地」後防執番靚未驚過，受讓捧「讓球客勝」。（now 638周二凌晨2時45分直播）




拿仁季前講過，睇好米杜士堡、葉士域治有良帥督師，今季分分鐘彈出，「米堡」叻仔果然大爆發，但葉軍就令人極度失望。


高雲地利防守力強


論人腳葉士域治唔曳，大衞史托達係英格蘭三號門將，中場保耶、布拿特經驗豐富，前鋒祖柏更係英冠頂級射手，而領隊祖維爾亦有卡士，但最後唔Work就係唔Work；早前兩場大敗好攞命，跟手僥倖擊敗列斯聯，上場對黑池又現形輸波。「高地」上次作客對住大勇「米堡」都能不敗，以佢哋近期防守水準，頂得住主隊攻勢有餘，今場受讓有捧場價值。