巴塞省招牌-2照捧

猪拉多纳

17/09/2011
文： 牛奶仔

唔經唔覺，巴塞已經連和2場，今晚回師魯營出戰，雖然有中場恩尼斯達缺陣，但隊長佩奧爾復出踢正選，條防線應該會穩陣番好多，美斯同韋拿等箭頭就可以放心喪攻，今晚有權攞奧沙辛拿嚟做出氣袋，省番靚「地上最強」個招牌，「讓球主勝」讓2球有1.65倍，捧得過o架！（now632、660台及廣東體育周日凌晨2:00直播）


賽前打機模擬戰況


巴塞上周派半隊副選落場，結果作客同皇蘇踢成2:2，之後周中又喺主場以同樣比數畀AC米蘭逼和，兩仗都輸得唔抵，上仗復出踢咗一陣嘅隊長佩奧爾，今晚會正選登場，佢仲話家陣隊友嘅士氣仍然高昂，絕對冇出現信心危機！同時，養緊傷嘅碧基尋日仲自爆，話佢哋鍾意賽前打機揀嚟緊對賽嘅球隊，睇吓佢哋嘅陣式、人腳同進攻方法，模擬戰況，備戰工夫做得咁足，奧沙辛拿想唔輸都幾難。


近3次對賽贏晒奧沙


係，雖則恩尼斯達上仗因傷退下火線，賽後證實要抖4個禮拜，不過法比加斯近4戰攻入3球，今仗代替「小白」踢正選，對巴塞嚟講未必係壞事。老實講，「地上最強」今鋪回師魯營，點敢再令主場球迷失望吖，咪忘記巴塞近3次對奧沙係全部贏晒兼零失球，今次仲唔乘機攞對方嚟祭旗咩！