利華猛火演入球「科」騷

猪拉多纳

17/09/2011
文： 阿占

剛啱喺歐聯輸波嘅利華古遜，今晚返到德甲主場迎戰科隆，小弟有信心佢哋可以及時反彈，事關科隆今季防線衰到貼地，輪流出場嘅兩個門神都係「黃大仙」有求必應，加上火力唔曳，所以今場玩1.5倍入球大應該幾穩陣！（有線61及64周六晚9:30直播）




我睇過科隆今季演出，條防線同遊魂無咩分別。德國《踢球者》就將科隆曾出過場嘅6位防線球員逐個評分，竟然全部都喺4分以上（最差係5分喎）！衰啲講句，可以話納入垃圾級別！


科隆門神屬「黃大仙」


至於門將呢個位，同樣係令人擔心。拜仁棄將雲昇今季踢3場失咗10球，唔怪得佢曾經試過無班落；另一位克羅地亞門將華禾迪都唔好得幾多，2場失4粒！畀着你係教練，派邊個落場好？計我話，5場失14球，派邊個都係死路一條！唔係仲對佢哋有期望呀？




叫得大家捧入球大，除咗睇中科隆條豆腐渣防線外，更重要係佢哋前場有兩個星級箭頭——長人路華高域同左腳重炮普多斯基，一旦畀佢兩個射順咗，要入波唔難。




利華呢邊，正選門將艾達受傷，踢咗4場嘅賓特尼奴雖然只係失過1球，但始終得19歲仔，經驗尚淺，隨時成為計時炸彈。好在箭頭傑斯寧、舒賀爾尼都係射得之人，中場悉尼森姆狀態又唔錯，周中輸完畀車路士，今鋪肯定搏命求一場大捷嚟洩憤。




頂占筍盤：利華古遜 （入球大）

有線球彩台主持阿占

電郵：soccer64@cabletv.com.hk

PHONE波熱線：1831 678

「超級星期六」開放時間：周六晚9:00至周日凌晨2:30