芬洛海倫芬荷甲大製作

猪拉多纳

17/09/2011
文： ComboKing

阿King上周睇咗一場可能係今季目前為止最精彩嘅荷甲賽事，芬洛主場於落後兩球劣勢下，最終以三比三逼和燕豪芬，呢支上季僅以附加賽保住甲組席位嘅球隊今季踢法充滿激情，對上四場聯賽都出現大手交易，今次主場面對荷甲「大盤王」海倫芬，又係追大好時機。




（周日凌晨1時45分開賽）




芬洛打和燕豪芬之前，主場曾以二比二打和上季冠軍阿積士，能夠連續兩場主場逼和兩大勁旅，球員信心已經爆晒燈，主場唔會打守勢波，佢哋對上四場失咗十三球，防線唔算太穩陣，故此經常和對手炮製大量入球。對手海倫芬亦係一支入得又失得嘅球隊，如果以中位數2.5球計，海倫芬今季頭五輪聯賽全部開大，而且佢哋目前為止已經失咗十四球，係聯賽失波最多嘅球隊之一，面對近期踢到曉飛嘅芬洛隨時上演入球騷，雖然現時入球大賠率只得1.42倍，但勝在穩陣，可作為過關重心。


維迪斯主場特醒


另外兩關配腳都係荷甲，先講維迪斯主場鬥洛達，維迪斯連續兩場作客輸畀阿積士、阿爾克馬爾只嘆技不如人，佢哋今季主場出擊兩連勝，面對作客兩戰全敗嘅洛達，1.7倍主W信得過。最後飛燕諾主場鬥迪加史卓普，飛燕諾今季改由朗奴高文領軍成績穩步上揚，開季五場聯賽保持不敗，主場穩勝迪加史卓普，進取啲捧1.72倍「讓球主勝」。




（now 639周日凌晨2時45分直播）