|
|
17/09/2011
文： SAMVO肥叔
周中歐聯分組賽下盤當道，大戶似乎一早收到風曼聯會留力，捧對家賓菲加中到應一應，但唔少散戶就中招，所以有時賭波嘅嘢，戰意比名氣更重要，今周英超重頭戲「曼車」大戰，肥叔留番聽日至同大家分析，今日先推介兩場英超，反晒兩隊升班馬史雲斯同諾域治，捧保頓同西布朗。
經過幾周觀察，肥叔認為幾支升班馬以昆士柏流浪較好，畢竟佢哋有新老闆入主，轉會窗關閉前掃咗幾件好嘢返嚟，相信有能力喺英超站得住腳，但另外兩隊諾域治同史雲斯，情況就唔多樂觀，要開齋都唔容易。
先講保頓主場對諾域治，保頓今季先後大敗畀曼聯同曼城，但其實呢隊波近年嘅特性都係欺善怕惡，對強隊冇料到，對弱隊反而有驚喜，開鑼戰就曾大勝昆士柏流浪四比○，今仗讓半一係信心嘅表現，「金絲雀」插翼難飛！
（有線304及204台周六晚10時直播）
另一場史雲斯主場對西布朗，情況同上周嘅諾域治對西布朗差唔多，又係開平手盤，結果西布朗上周作客贏一比○。西布朗喺鶴臣執教下甚有隊形，絕對有力成為中游分子，拍落史雲斯高半班，平手盤坐和望贏。
德甲慕遜加柏吔漢堡
德甲則睇好慕遜加柏，漢堡今季實在太曳，仲點學人讓波？至於凱沙羅頓今季雖未開齋，但呢隊波主場一向有貨交，對緬恩斯有平手盤相當吸引，值得捧場。
肥叔心水
慕遜加柏 下盤
哈化柏林 大
保頓 上盤
西布朗 平手盤
馬略卡 下盤
凱沙羅頓 平手盤
蒙彼利埃 平手盤
|
|
金睛卡
发表于 2011-9-17 07:22
变色卡
显身卡