巴塞谷氣搵奧沙發洩

猪拉多纳

17/09/2011
文： 山度士

接連失分嘅「地上最強」巴塞隆拿，周日凌晨會在魯營主場迎戰奧沙辛拿。巴塞不僅在上輪聯賽意外失分畀皇家蘇斯達，周中歐聯又遭AC米蘭逼和，即刻遭受傳媒圍插！為挽回聲譽，今場肯定搵奧沙辛拿祭旗。度士已經聞到濃烈嘅血腥味，睇怕巴塞已準備好開大餐，大勝一場挽面子。




（now 632周日凌晨2時直播）




巴塞近期真係唔配做「地上最強」，繼上輪聯賽領先兩球下遭皇家蘇斯達逼和後，周中在魯營主場竟重蹈覆轍，被AC米蘭逼和二比二，臨天光先跌番兩分出嚟，真係激死巴塞迷。其實呢兩場比賽，度士都有留意，個人認為巴塞失分係衰輕敵，好似蘇斯達嗰場，就係因為韋拿大意回傳先失波，若然佢哋係對皇馬或者華倫呢類強隊，邊會犯呢種低級錯誤呀！




不過，經過兩場令人失望嘅比賽後，度士深信巴塞已經回復集中力，唔敢再玩輕敵失分，所以今場好大機會打番出昔日水準。事實上，只要巴塞唔輕敵嘅話，當今世上有邊支球隊頂得住佢哋，奧沙辛拿好大機會成為炮灰。


奧沙辛拿4主將缺陣


雖然巴塞主將恩尼斯達上場歐聯勇戰受傷，將與阿歷斯山齊士及碧基一同缺陣，陣容未算完整。但其實奧沙仲大鑊，事關四名主將沙治奧費南迪斯、尼古納姆、伊查迪及索查都因傷避席，殘陣出戰下大大增加被炒機會，度士預測巴塞今場會大勝一場省招牌。


山度士


前香港足球先生，畀料同佢做人一樣，百足咁多爪，對唔同聯賽都有興趣。教波同貼波，一樣做阿哥。