卡域克貓哭老鼠

猪拉多纳

14/09/2011


卡域克趁湯卡華利受傷搶位！曼聯季初氣勢如虹，隊內競爭激烈，卡域克之前畀師弟湯卡華利騎住，由於後者受傷，卡域克得以攝位，佢承認坐冷板好冇癮，但會以大局為重，真係咁識諗？


「見到湯卡華利受傷好唔開心」


曼聯中場中路今季競爭好大，路爾斯安達臣愈踢愈成熟，湯卡華利表現同樣理想，可惜早前勇戰受傷，短期內無法上陣，老大哥卡域克有機會擔正，佢表示：「見到湯卡華利踢得咁順時受傷，真係有啲唔開心。」




卡域克話自己識得顧全大局，唔會因為上陣時間不足扭計：「我有晒經驗，成季流流長，老費識得調配，依家唔只得我一個等待機會落場，隨住歐聯展開，球隊需要更多球員輪換，到時大家都有機會。」




除卡域克之外，費查、傑斯、朴智星同貝碧托夫等人今季上陣時間唔多，主帥費格遜或於歐聯起用呢班經驗豐富戰將。呢班球星若然有得落場，實會瞓身搏殺，希望重奪正選席位。