小白雲邦美仇人見面

猪拉多纳

13/09/2011


AC今晚出訪魯營，中場雲邦美將會倒戈，咪以為舊將回歸係聚舊好時機，雲邦美素來與巴塞核心恩尼斯達唔啱傾，舊年世盃就曾經將小白踢到飛起，今晚仇人見面，話唔定會擦出唔少火花！


伊巴謙唔妥哥帥「見鑊打鑊」


雲邦美06年効力巴塞期間，同小白經常要爭位踢，大家係競爭對手冇乜幾句，到舊年世盃荷蘭同西班牙爭冠軍，雲邦美踢防中多次侵犯恩尼斯達，兩個冇打交已經算好彩。對於同雲邦美嘅關係，一向係好好先生嘅小白罕有咁話：「又唔可以話好差，但肯定唔係好囉。」




另邊廂，伊巴謙舊年夏天離開巴塞時一直認為係哥帥唔識用佢，更話過將來對住哥迪奧拿會「見鑊打鑊」，不過依家佢因傷缺陣，哥迪奧拿總算可以鬆一口氣！