西維爾聯賽發維

猪拉多纳

10/09/2011
文： SAMVO肥叔

國際賽過後，又輪到聯賽上演，提提大家下周中歐聯開鑼，部分球隊或避重就輕，好似拜仁慕尼黑同巴塞隆拿兩大名牌，今晚個盤都太辣，讓得多隨時贏波輸盤，肥叔嘅策略好簡單，就係捧下盤加「大」，有機會雙殺贏兩注！




今晚心水場次係西甲西維爾周日凌晨作客維拉利爾受讓平半，下盤捧得過，就算贏埋都唔奇。維拉利爾季初表現令人失望，歐聯外圍賽對住實力平平嘅奧丹斯，都係驚險出線，聯賽首仗對巴塞吞五蛋，表現認真失禮，下周中又要踢歐聯，有後顧之憂，今場點讓得起？




至於西維爾喺歐霸出局後，今季可專心踢聯賽，聯賽首戰贏馬拉加踢得有板有眼，呢隊波質素平均，又夠正氣，難怪受大戶追捧，肥叔今場都睇好佢哋。


慕遜加柏飛數對辦


德甲方面，慕遜加柏今季令人刮目相看，開鑼戰作客擊敗拜仁一比○，爆咗個大冷，之後幾場亦有料到，佢哋主場一向有保證，今輪主場對凱沙羅頓可再追捧，凱沙今季德甲踢咗四場都未贏過，睇嚟又係要護級嗰隻，初盤慕遜加柏讓半球或半一，睇個盤亦似樣，值得跟進。




法甲可留意升班馬迪安，呢隊波常有神來之筆，近期三連勝，絕對唔可以睇小，里昂作客表現唔及主場，讓半球要小心，建議捧下盤。


肥叔心水


弗賴堡 下盤、大

慕遜加柏 上盤

新特蘭 下盤

皇家蘇斯達 下盤、大

西維爾 下盤

迪安 下盤