利華細盤有堡

猪拉多纳

09/09/2011
文： 蘇絲黑柴

德甲獨腳戲奧格斯堡主場鬥利華古遜，兩軍今季守強攻弱，利華換帥後前線未執掂，但自從有「神奇小子」賓特尼奴把關後一球都未失過，至今四場聯賽全部開細，加上陣中多名中前場主力踢完國際賽未抖夠，黑柴建議再追細盤。




（有線61及201台周六凌晨２時30分直播）




門神上身聯賽全細




利華年輕門將賓特尼奴近期成為熱門話題，呢位十九歲「神奇小子」上季仲喺德丙作賽，今季因為利華鬧門將荒至同史特加借人，第二輪聯賽對雲達不來梅初次亮相德甲，點知一鳴驚人，至今三場聯賽都保持清白之身。




利華至今四戰只入過兩球，兩球波都係左閘卡特歷一傳一射功勞，不過佢今場要停賽，球隊兩名主力箭頭戴迪約克同舒賀爾尼聯賽未開齋，又啱啱踢完國際賽未回氣，今場入波唔慌多。




奧格斯堡首季亮相德甲，四場聯賽只由箭頭摩達斯喺頭兩仗包辦三個入球，但呢位大舊佬路數被睇通後，近兩場全隊都交白卷，上仗連十二碼都宴客。球隊踢法以穩守為主，今季未試過失超過兩球，兩軍喺○八年德國盃曾交手，當時奧格斯堡主場輸○比二。