馬模「萊」料捧1.95倍客W

猪拉多纳

08/09/2011
文： 走肖

人有三衰六旺，踢波同樣道理，加費萊今晚喺瑞超主場對馬模，衰開隨時又輸多場。雖然加費萊今季試過連續7場冇失波，幾乎打破瑞超不失球紀錄，但近排就洩晒氣完全走樣，防線崩潰又唔識入波，咁嘅情況梗係捧馬模1.95倍客W穩陣啦。（開賽時間：周五凌晨1:00）


加費萊鋼鐵防線散晒


上場加費萊打和赫根2:2，總算結束連輸6場兼冇波入走勢，不過咁，近7場聯賽佢哋勁失19球，相當得人驚，之前嘅鋼鐵後防突然唔知去咗邊，要知道加費萊不嬲靠穩守突擊搵食，家陣守唔穩，自然連突擊都冇埋，加上前鋒艾歷托洛斯、中場奧哈根同丹尼爾利奴未康復，即使主場出擊都未必再搶到分。




另方面，馬模喺歐聯附加賽不敵布加勒斯特戴拿模後，上場主場以2:1砌低艾夫斯堡連贏3場，證明士氣冇受損。最緊要係最近門將祖漢達連已好番，中場比卡斯基同耶高費南迪斯又坐完波監可以候命，依家畀佢哋撞正霉到爆嘅加費萊，仲唔當對方係沙包咁狂砌？客W唔怕捧！