|
|
06/09/2011
被譽為英格蘭新希望嘅安祖卡路爾，近期狀態急跌。為免失去一位好球員，領隊卡比路近日再向呢位「新舒利亞」發最後通牒，呼籲佢想繼續代表國家隊，就一定要戒酒、戒蒲同操弗自己。
狀態急跌正選不保
安祖卡路爾上季喺紐卡素一鳴驚人，之後高價轉會利物浦，仲成功入選英格蘭兼取得首個入波，但其實英格蘭領隊卡比路當時已勸佢唔好成日飲啤酒，以免影響前途：「如果卡路爾想繼續有進步，就一定要飲少啲啤酒，同時注重自己嘅行為。」
點知卡路爾完全冇聽入耳，喺今個暑假多次被影到喪飲喪蒲，搞到狀態急跌，近期喺利物浦已失去正選，上場對保加利亞更連後備都冇，為免卡路爾再自甘墮落，卡比路近日再次警告佢：「卡路爾已缺席利物浦最近一場聯賽，佢明顯唔喺狀態，佢真係好需要比賽提升自己，假如卡路爾操番弗自己，對我哋將極之重要。」
|
|
金睛卡
发表于 2011-9-6 10:24
变色卡
显身卡