加里夫巴利唔聽禾仔電話

猪拉多纳

06/09/2011


見到車尾燈當你贏！今場大戰上演《極速傳說》續集，兩大英超快翼禾確特同加里夫巴利正面交鋒。其實兩位「速度王」都係修咸頓青訓產品，年輕時仲做過宿友，交情深厚，「禾仔」賽前仲大讚舊隊友已成為英超其中一位最佳球員。


修咸頓青訓營鬥快


禾確特同加里夫巴利都係修咸頓近年最上乘嘅青訓產品，英軍右中場「禾仔」賽前就大爆曾與威爾斯左中場加里夫巴利同房，一齊入營接受訓練。其實兩人都係以高速見稱，而佢哋嘅師弟，今季從修咸頓轉投阿仙奴嘅阿歷士張伯倫亦係跑得之人，修咸頓真係專出快翼。




「禾仔」賽前講明期待同加里夫巴利對撼，但首要條件係領隊卡比路畀佢出場， 而佢亦透露賽前曾致電老友，殊不知加里夫巴利竟然唔聽佢電話，擺明有心避佢。