哥連泰斯老兵掘甘

猪拉多纳

31/08/2011
文： 巨高

周中巴甲又開快車，現時排名榜首嘅哥連泰斯，將於主場對甘美奧。今季哥連泰斯非常醒神，全靠一班老將夠爭氣，今場遇到中下游球隊甘美奧，相信哥連泰斯可於主場贏波再執三分，主W必揀。（周四清晨5時開賽）




哥連泰斯最值得讚許老將一定係列特臣，呢個巴西裔葡萄牙籍前鋒，本年一月毅然放棄歐洲事業，由葡超士砵亭重返巴甲哥連泰斯。列特臣話佢欠哥連泰斯實在太多，今次返去係想為球隊贏取巴甲冠軍，以答謝當年哥連泰斯肯放佢到士砵亭。


華斯高炒起施亞拉


查實列特臣都成三十三歲，而且兩隻腳都傷過無數次，但係一份感恩之情，彌補晒年齡及傷患等不利因素，現時更成為球隊首席射手，狀態唔使懷疑，加上其他老將如馬斯奧艾馬臣及丹尼路今季都有唔錯演出，今仗好有機會砌低甘美奧繼而鞏固榜首地位。




另外要留意華斯高主場對施亞拉，華斯高最近要兼顧南球盃，稍稍影響到聯賽部署，不過佢哋短期內毋須出戰盃賽，相信今仗可專心踢好聯賽。對手施亞拉唔算強，華斯高有力大勝，「讓球主勝」可留意。


巴甲推介


哥連泰斯　勝




華斯高　讓球主勝

戈亞尼恩斯　大盤