聖保羅中門大開 山度士歎私房菜

猪拉多纳

28/08/2011
文： 阿當K神

今晚巴甲重頭戲，近期回勇嘅山度士會喺主場「夫添」出擊，迎戰有中場丹尼遜缺陣嘅聖保羅，一於跟往績捧佢哋延續勝勢，要2.15倍主勝！（開賽時間：周一凌晨3:00）


波捷斯升射手榜首位


今季表現走樣嘅山度士，上場憑波捷斯梅開二度擊敗富明尼斯，今季首次於聯賽連勝，波捷斯更加超越朗拿甸奴，獨佔巴甲射手榜首位，狀態大熟大勇，今仗會繼續夥拍尼馬攻堅。山度士今場冇受任何傷兵或停賽問題影響，主場可派最強陣容出擊，即使面對爭標勁敵亦有本錢全取3分。




聖保羅雖然仲位處前列，但佢哋喺聯賽3連和，氣勢被打窒，即使今仗有卡斯米路踢完世青盃回歸，不過防中丹尼遜受傷要抖4星期，大大削弱中場截擊力。何況喺往績方面，兩軍近11次交手山度士贏咗7次之多，同時聖保羅已經連續3次作客山度士吞蛋而回，今次仲要啱啱踢完南球盃，體力未及回復更難擺脫宿命。