擺檔掠水！東京反客為主征服富山

猪拉多纳

28/08/2011
文： 九叔



富山勝利Vs FC東京


作客幾時都難踢，但係FC東京今日响日乙造訪富山勝利，就直頭當自己返咗屋企咁，喺人哋度擺檔賣限量產品，咁有氣勢，今場就博東京個2.35倍「讓球客勝」。（開賽時間：周日下午5:00）




FC東京响官網宣布，今日會喺富山個陸上競技場專賣店發售作客限量產品，包括小飾物、公仔同埋長友佑都嘅DVD，簡直喧賓奪主。佢哋囂成咁又難怪嘅，富山今戰有前鋒苔口卓也、後衞松原優吉養傷，一隊實力麻麻嘅波少咗兩件主將，有乜法子唔畀人睇死吖！


足智彩(禁)低客W有道理


其實依家同德島漩渦並列榜首嘅FC東京，有個好大嘅毛病，就係作客前十球隊好易出事，佢哋先後輸過畀北九州向日葵、千葉市原、櫪木SC，呢個係東京拉唔開帶頭優勢嘅主因，佢哋自己知自己事，今日對尾二嘅富山肯定搏，所以足智彩開到客W得1.44倍，係所有大莊最熱一個，絕對有道理，東京即使有中場谷澤達也停賽，都夠力省富山兩粒。