山度士沾尼馬福氣

猪拉多纳

28/08/2011
文： Mic少

日前去舊同學聚會，聽到一位老友即將做第二任爸爸，真係要恭喜佢。不過喺香港呢個生活指數高企嘅地方，要養大兩位化骨龍需要「八百萬」之多，絕對唔易。呢位老友經過為人夫及為人父嘅生活洗禮，以往輕佻、稚氣已不復在，依家變得穩重沉實，一份責任感令人蒼老不少。


19歲榮升父親


現今球員往往都係少年得志，要教好一位小將，最好畀佢嘗試做爸爸滋味。十九歲巴西新星尼馬日前榮升人父，呢位黃毛小子潛質優厚，但場上表現花巧，做咗爸爸後，或有助佢變得成熟。




由尼馬孭飛嘅山度士今晚主場對聖保羅，山度士近況回勇，取得兩連勝，反而聖保羅近期表現跌晒Watt，今仗一於捧山度士上盤。




（周一凌晨3時開賽）