赫斯打吡戰再細緣

猪拉多纳

28/08/2011
文： 樂比堅尼

蘇格蘭波真係一蟹不如一蟹，班霸格拉斯哥流浪同些路迪，竟然喺歐霸外圍賽出局，連分組賽都入唔到。




連兩大班霸都踢成咁，作為蘇超「三哥」嘅赫斯更加唔使多講，佢哋首回合主場慘吞熱刺五蛋，次回合熱刺留有一手先和波收場。其實蘇格蘭聯賽競爭性低，入座率亦有下降迹象，再咁搞落去，隨時淪為三、四流聯賽，睇嚟聯賽會要搞搞新意思，同英超合併，今時今日人哋未必騷你，但如果加入英冠，都未必冇可能嘅！


主場對喜伯年旺細


今晚蘇超打吡戰，赫斯主場對喜伯年，兩隊牙齒印極深，但對賽入波唔多，赫斯近六次主場對喜伯年有五次開細，今場一於追細盤。




（now 638周日晚10時45分直播）