莊家撐甘馬雷斯翻到身

猪拉多纳

28/08/2011
文： RICHARD WELBING

莊家開盤當然會參考賽績，不過並非賽績差劣球隊就一定好分頭。就好似周日葡超甘馬雷斯主場對比拉馬，最近甘馬雷斯可謂輸到捧場客慌，近三場全敗失七粒兼冇入波。早前喺葡超盃又不敵波圖，近況真係冇乜支持。




不過操盤手經過分析之後，仍然信賴甘馬雷斯可以反彈，將今場「主Ｗ」賠率定為兩倍以下。以飛數計殊不簡單，甘馬雷斯好有機會打開聯賽勝利之門，主Ｗ有1.77倍值得信任。




（周一凌晨1時開賽）




唔計熱身賽的話，甘馬雷斯最近只對過波圖及馬體會。兩支都係歐霸盃冠軍級球隊，對於甘馬雷斯嚟講實在太強，落敗亦冇話可說。今次對住一支降班熱門球隊比拉馬，甘馬雷斯嘅壓力可謂大大減低。


比拉馬未開齋


實在比拉馬近況都唔係好，聯賽一樣未贏過，論走勢唔叻得過甘馬雷斯好多，加上近三次作客甘馬雷斯又輸多贏少，難怪操盤手今場咁睇好主隊。