維拉主場醒神驅狼

猪拉多纳

27/08/2011
文： 山度士

狼隊最近嘅演出都令度士幾意外，連贏兩場英超之後，去到英聯盃又大勝諾咸頓四比○。不過球賽勝負唔係單講狀態，今晚作客對住前線球員把握力強嘅阿士東維拉，度士深信主隊有力終止狼隊連勝紀錄，我撐維拉。（有線300台周六晚7時05分直播）




阿士東維拉上周以三比一擊敗布力般流浪，當日維拉嘅演出令度士留下深刻印象，特別係艾邦拉荷及希斯基。估唔到艾舒利楊格離隊之後，二人嘅演出未受影響，領隊麥利殊應記一功。




麥利殊用人得當




大家都知麥利殊加盟維拉初期，受到唔少死硬派球迷反對，但麥Sir表明會用好成績去討好大家，度士極為欣賞佢呢份決心。一個咁有遠大志向嘅領袖，應可感染球員爭取更佳成績。




狼隊取連捷紀錄撐腰，令好多球迷都唔睇小佢哋。但度士又唔係咁睇，查實狼隊所擊敗嘅對手唔係太強勢，遇正維拉未必可以延續強勢。




前香港足球先生，畀料同佢做人一樣，百足咁多爪，對唔同聯賽都有興趣。教波同貼波，一樣做阿哥。