球證古爾柏斯旺波圖士哥

猪拉多纳

26/08/2011


今場執法球證古爾柏斯來自荷蘭，本身係一間超級市場及髮廊老闆，佢上季曾經執法波圖喺歐霸盃四強首回合賽事，當時波圖以五比一大炒「黃色潛艇」維拉利爾，古爾柏斯似乎幾旺波圖喎！




見證波圖大炒潛艇




卅八歲嘅古爾柏斯係近年歐洲球證新貴，○六年成為歐洲足協球證，係荷蘭三大歐洲最高水平主球證之一，曾經為四十三場歐洲賽事執法，包括○六年U17歐洲國家盃決賽及○九年U21歐洲國家盃決賽。




上季古爾柏斯曾經喺波圖賽事執法，當時係歐霸盃四強首回合，波圖喺落後維拉利爾一球下反勝五比一。當日古爾柏斯派咗六面黃牌，唔算好嚴。