魯賓卡山主場落足料

猪拉多纳

24/08/2011
文： 笛子波童

今晚歐聯附加賽次回合有早場賽事，俄超魯賓卡山主場鬥法甲里昂。里昂首回合領先三比一，今場只要唔輸多過兩粒便可晉級，魯賓卡山過去兩屆於歐聯主場賽事未輸過，平手盤相當抵玩。（有線61及201台周四凌晨零時直播）


近兩屆主場未輸過


魯賓卡山首回合大踢進攻足球，可惜領先一球之下被里昂反勝三比一，如果想晉級今場一定要搶攻。魯賓卡山過去兩屆都能進身分組賽，其中六場主場分組賽取得一勝五和不敗成績，強如地上最強巴塞隆拿、前屆冠軍國際米蘭都未能在此地贏波。雖然今次要主攻，形勢上或會同過往有分別，但最重要一點係里昂目前有兩球在手，今場首要目標係唔失波，踢法上難免會比較保守，更何況客軍就算輸一粒都可以晉級，戰意方面一定唔及主隊，平手盤捧魯賓卡山抵玩。