諾域治有食神

猪拉多纳

21/08/2011
文： 樂比堅尼

今晚英超頭場諾域治主場對史篤城，最期待嘅人必定係「英國方太」達莉雅，呢位近年出錢出力嘅女班主，終帶領「金絲雀」重返英超賽場，佢嘅心願係為世人帶來歡樂，除咗炮製美食，仲要踢出悅目嘅足球，「城篤史」難登大雅之堂，平手盤樂比仔捧諾域治。




（有線201及301台周日晚8時30分直播）


諾域治升呢全靠佢


達莉雅喺電視台教烹飪起家，出版嘅烹飪書銷量超過二千萬本，可以話英國家喻戶曉嘅名字，英國《獨立報》就曾選佢為英國一百位最具影響力女性。佢同丈夫韋尼鍾斯都係諾域治球迷兼股東，諾域治自從得到佢兩公婆注資後，知名度大增，得到更多人注視。




「英國方太」已七十歲，不過呢位老人家心境依然年輕，講嘢非常幽默，佢最經典嘅演出係○五年二月諾域治對曼城嘅賽事，半場時懷疑醉醉哋，攞起支咪呼籲球迷落力打氣，雖然有啲失禮人，但卻夠晒熱血！


放手餐廳專心搞波


方太最叻係煮餸，球場內自然有好嘢食，據講佢會準備茶點招待客隊高層，另外亦有經營球場嘅餐廳，不過佢有感自己年事已高，所以今季已辭退餐飲部嘅工作，專心搞好隊波，相信好多人會大嘆冇口福！




講番今場波，諾域治升班後士氣如虹，上仗作客韋根力保不敗，今日係回歸英超後首度主場，出戰上周五凌晨先踢完歐霸嘅史篤城，平手盤捧諾域治抵玩。