瞓身歐聯里昂獻「細」

猪拉多纳

20/08/2011
文： 笛子波童

法甲直播賽事比斯特主場鬥里昂，比斯特開季連和兩場，表現四平八穩，里昂近期喺本土和歐洲賽演出判若兩隊，今晚作客讓波有暗湧，波童建議捧細盤。（now 634及714周日凌晨1時直播）


聯賽Hea住先


里昂對上兩場比賽同於主場出擊，但作戰心態好唔同，上周末聯賽對阿些斯奧未失波前，成班球員不思進取，直至失波後才如夢初醒，最終僅以一比一逼和對手。去到周中對魯賓卡山，雖然話球隊早失波、形勢上一定要焗攻，但球員所表現出來嘅決心遠勝之前一場，結果以三比一反勝對手，下周中佢哋要前赴俄羅斯出戰次回合，唔排除今場又會懶懶閒，留力應付更加重要嘅歐聯附加賽。




比斯特護級成功全靠穩，上季頭十一輪聯賽只輸兩場，而且曾連續八場保持不失球。今季佢哋保持水準，開季頭兩場保持不敗，就算整體實力唔及對手，但憑住呢股氣勢及穩健防守，應可將彼此距離拉近，預料今仗入波唔會多，捧細正路。