|
|
20/08/2011
文： SAMVO肥叔
經過漫長嘅暑假，歐洲球季陸續開鑼，呢個星期場面熱鬧，肥叔一早做定功課，希望搵到好嘢回饋讀者。英超精選咗四場，分別係史雲斯、阿士東維拉、新特蘭同埋阿仙奴大盤，另外仲有兩隊冷門漢堡同比斯特，希望幫到大家。
周中歐洲賽大戶又執唔少，不得不佩服佢哋嘅眼光，其實依家足球菠菜界有好多專才，佢哋全部擁有高學歷，有啲甚至係碩士同博士，精於計算及統計學，佢哋靠專業知識得到可觀嘅利潤，一般散戶根本冇得同佢哋鬥！
潮興高學歷數佬操盤
肥叔早前到倫敦菠菜公司嘅基地，參觀盤房嘅運作情況，可以用嘆為觀止嚟形容，平時好多老友問肥叔有乜賭波心得，肥叔只能夠講，都係靠多年來嘅累積智慧，加上日積月累嘅菠菜經驗，先至有啲成績，不過比起呢班數學專才，肥叔真係自愧不如。菠菜業發展一日千里，今時今日做每一行，都要與時並進！
東北打吡撐黑貓
講番今日心水，英超升班馬史雲斯上仗雖然吞曼城四蛋，但表現唔係咁差，對手韋根今季主力星散，威爾斯球隊史雲斯有力喺主場取得英超歷史性首捷。至於東北打吡則看好新特蘭，「黑貓」人腳平均，主場讓紐卡素平半，上盤值博。
重頭戲阿仙奴主場對利物浦，阿仙奴內部問題多，又要兼顧歐聯附加賽，難怪被大戶睇淡，但勝在有往績支持，肥叔寧願揀大盤。另一場維拉主場對布力般，布力般今季人腳好曳隨時要護級，維拉主場贏波冇問題。
其他聯賽方面，拜仁同里昂都要兼顧歐聯，今場讓得多有隱憂，不妨扒冷門吼下盤。
肥叔心水
新特蘭 上盤
阿仙奴 大
漢堡 下盤
阿士東維拉 上盤
史雲斯 上盤
比斯特 下盤
|
|
金睛卡
发表于 2011-8-20 09:03
变色卡
显身卡