小阿根廷人做慣「惡客」

猪拉多纳

20/08/2011


阿甲春聖羅倫素主場鬥小阿根廷人，聖羅倫素上場雖擊敗學生隊打開勝利之門，但想再添食卻有一定難度，事關小阿根廷人係近年阿甲其中一支作客表現最穩定球隊，只要發揮水準可保不敗。（周日凌晨4時05分開賽）




小阿根廷人係一支擅長應付作客嘅球隊，連同上季秋季聯賽，佢哋近十場作客聯賽僅一敗，當時係今年四月以○比一不敵葛度爾古斯，今季球隊首輪聯賽作客打和聖達菲聯，表現保持一貫水準，預期佢哋今次作客亦會取得分數。


聖羅倫素主勝率偏低


相反聖羅倫素主場勝率唔算高，近十場聯賽只得兩勝三和五負，包括上季秋季聯賽輸畀小阿根廷人，而且聖羅倫素近四次無論主場、作客，面對小阿根廷人竟然悉數落敗，從以上數據分析，今仗開出「讓球客勝」機會高唱入雲。