兵工廠星散冷敲熱避

猪拉多纳

14/08/2011
文： 力奇

嚟緊周中賽事嘅焦點，一定係歐聯，當中阿仙奴對烏甸尼斯最矚目，但大家真係要提高警覺，事關佢哋啱啱賣走咗隊長法比加斯，拿斯尼又唔知擺得幾耐，對兵工廠打擊有幾大真係好難講，或者大家今晨睇完佢哋作客紐卡素場波會有端倪。總之講到底，太熱就博唔過啦！




其餘仲要留意嘅，應該係奧丹斯對維拉利爾場波，咪以為四大聯賽球隊實力實佔上風，始終西甲下周末先開咧，「黃色潛艇」有冇貨交真係難講，反而丹超早就開咗鑼，奧丹斯狀態應該會佔先多少，加埋主場之利，又係一場隨時爆得嘅波。




歐霸盃方面，漢諾威一樣係熱夠身同西維爾踢，特別係後者今夏人腳變動唔少，作客波好牙煙。周四凌晨仲有場西班牙超級盃次回合，暫時冇乜莊家開盤，實係想睇埋聽日凌晨場首回合先啦！