阿積士海倫芬3.5球照撐大

猪拉多纳

14/08/2011
文： 笛子波童

荷甲直播賽事阿積士主場鬥海倫芬，阿積士上仗反勝迪加史卓普盡顯強大攻力，海倫芬近期進攻表現亦對辦，雖然今仗大細中位數調至3.5球，入球「大」依然值博。（now 639周日晚8時30分直播）




阿積士早前不敵川迪失落荷超盃，上周聯賽面對迪加史卓普亦係先失波，但論質素佢哋始終喺荷甲頂尖分子，小小失利完全影響唔到球員嘅比賽信心。上場除咗有前鋒蘇利馬尼梅開二度，最開心係見到新加盟嘅特奧贊臣已經融入球隊，仲射入一個靚罰球做見面禮，可以預期球隊今季攻力會比上季更加強大。


海倫芬有前冇後


海倫芬上仗於領先兩球之下被奈梅亨逼和二比二，連同早前熱身賽贏伊高斯五比○、五比四擊敗奧林比亞高斯，球隊踢法可謂有前冇後。翻查近年兩軍對賽往績不乏大手交易，其中阿積士對上兩季主場分別贏過對手三比一及五比一，就算中位數調至3.5球都唔怕捧大。